طريقة معادلة شهادة الطب في امريكا 2022

معادلة شهادة الطب في امريكا بتحديث ٢٠٢١ بالتعاون مع دكتور بامريكا صديق اليا. 

عبارة عن امتحانات ، المعادلة لا تهتم بمعدل الكلية كلية الطب 

المعادلة عبارة عن: 

١.امتحانات USMLE اللي هي اختصار 

United States Medical Licensing Examination

اكو جزء اول وثاني 

‎$1080 لكل جزء سعر الامتحان 

٢.و اكو امتحان لغة بالجديد صار اسمه OET اختصار : Occupational English Test

‎$450 سعره 

—

طالبين درجة ٣٥٠ بالOET ، و انه لازم الشخص يجيب درجة B بكل جزء ، عبارة عن writing, reading, listening and speaking. 

الUSMLE البارت الاول بالجديد ديصير pass or fail بعد ما كان يعتمد على  الدرجات ، ممكن الطلاب بالوطن العربي ياخذوه ورا صف ٣. عبارة عن اساسيات الطب. 

الجزء الثاني عبارة عن Clinical knowledge يعتمد على الدرجات. كل ما الدرجة اعلى كل ما افضل. 

——

مصادر التحضير للامتحانات: 

Uworld بنك اسئلة 

First Aid كتاب تحضير للامتحانات مال USMLE 

——-

اكو شي اسمه YOG -اختصار Year of Graduation سنة التخرج مهمة جداً 

ايضاً لازم الشخص عنده نشاطات ثانية مثل ابحاث علمية ، شغل ، تطوع ، شي اله علاقة بالطب، واذا عنده علاقات زينة همين ممكن تساعد. 

ليش؟ 

ورا ما الشخص يخلص هذولة الامتحانات لازم يسوي شي اسمه Residency يعني اقامة 

و هاي الاقامة لازم الشخص ينقبل بيها مو الكل ينقبلون ، و ينافسون خريجين امريكا على المقاعد المحدودة ، اكو نسبة زينة من الاشخاص العرب ممكن ينجحون ويحصلون اقامة و قسم ثاني يقدمون ٧ و ٦ سنين وميحصلون 

بدون الاقامة الشخص ميكدر يزاول مهنة الطب بامريكا. 

الراتب: 

باثناء الاقامة راتب الشخص بين ال٥٠ الف بالسنة الى ٦٠ الف دولار بالسنة واللي هو يعتبر مبلغ قليل ورا الضرايب واذا عنده عائلة  ، بعد ميخلص الاقامة الراتب يزيد. 

—-

تكلفة المعادلة : 

ممكن تكلف على الاقل فد ٦-٨ الاف دولار 

لان الامتحانات ب2610 دولار ، وراها اكو مصادر تحضير مو مجانية ، و وراها لازم الشخص يقدم ابلكيشنات ، والناس متقدم على برنامج اقامة واحد يقدمون بكذا برنامج يسوون مقابلة و كل برنامج بولاية ف هاي همين تكتات طيران + فندق و غيره. 

عندكم اسئلة؟ 

معادلة الطب في امريكا 

 

الطب في امريكا

الكاتب الاصلي/ غيد احمد gheed Ahmed على صفحتها على الفيس بوك